مهارة مجانية · من مُشَيِّد

English

فيلم موشن جرافيك بمستوى استوديو، من سطر واحد تعطيه لوكيلك

«فيلم الموشن جرافيك» مهارة لـClaude Code: تحمّل ملف واحد وتلصق برومبت واحد فيه اسم منتجك ورابط صفحته، فيبني وكيلك فيلم ترويجي بالكود (Remotion) بصوت راوٍ وموسيقى ومؤثرات. وقبل ما يسلّمك، يراجعه وكيل ثاني ما شارك في البناء. بلا After Effects ولا مصمم موشن. نفس المهارة اللي بنينا فيها أفلام مُشَيِّد، ومجانية مقابل بريدك.

المهارة تفتح لك فوراً في الصفحة التالية، وتنضم لنشرة مُشَيِّد: أنظمة AI عملية تصلك كل أسبوع، وتقدر تلغي اشتراكك بضغطة.

ملفات تُكتب في مجلد فيلمك

my-film/

  • docs/STYLE.md

    دستور الأسلوب: ذوق الفيلم مكتوب بالأرقام

  • docs/BOARD.md

    لوحة اللقطات، سطر لكل لقطة

  • docs/SCRIPT.md

    كل جملة في السكربت ومن وين جات

  • docs/SOURCES.md

    كل نص يبان كأنه من واجهتك، ومصدره بالضبط

  • docs/DECISIONS.md

    كل قرار أخذه الوكيل بدون ما يسألك، وليش

  • script/script.json

    نص التعليق الوحيد اللي يروح للصوت

بُنيت بالمهارة نفسها

شوف الأفلام قبل ما تحمّل

هذي الجودة اللي يشتغل عليها وكيلك. كل فيلم مبني بالكود إطار بإطار، بصوت وموسيقى ومؤثرات. شغّلها بالصوت.

  • مُشَيِّد كاش · 33 ثانية

    وكيل جديد من سطر واحد، بأسلوب «الدفتر السويسري» اللي اختاره بنفسه.

    درجة المقيّم الأعمى: 8.55 من 10

  • Moshid Agents · 31 ثانية

    وكيل جديد ثاني من سطر واحد، بأسلوب الرسوم المسطحة.

    درجة المقيّم الأعمى: 8.62 من 10

  • فيلم مُشَيِّد · 51 ثانية

    بنيته بنفس الطريقة قبل ما تصير مهارة.

    درجة المقيّم الأعمى: 8.24 من 10

بصراحة عن الأرقام: المقيّم وكيل AI مستقل ما يعرف مين بنى أي فيلم، مو لجنة بشر. والفيلمان اللي بناهما وكيل جديد اختباران بأسلوبين، مو كل الأساليب. وفي اختبار ثالث مشى فيه وكيل جديد على الخطوات حرفياً (الملف والبرومبت بس) نال فيلمه 8.43، مع إنه انبنى بصوت مؤقت لأن توليد الصوت في ElevenLabs تعطّل وقتها.

وش تاخذ، وش تحتاج

قبل ما تبدأ، بصراحة

وش في المهارة

  • ملف تشغيل رئيسي و21 مرجعاً: الأسلوب، السكربت، الصوت، المزج، بوابات الجودة، ومعيار الاستوديو المكتوب
  • محرك حركة بالكود: طباعة حركية بالعربي والإنجليزي، كاميرا، انتقالات، أشكال وجزيئات
  • تسعة قوالب بنية تجريبية، يختار الوكيل منها حسب هدف الفيديو
  • أكثر من 40 أداة: فحص البيئة، كشف الإطارات الفاضية، توقيت كل كلمة من صوتك، المزج، والتصيير
  • حلقة مراجعة مستقلة: وكيل ثاني ما بنى الفيلم يحكم عليه مقابل دستور أسلوبه، ويرجع بجدول إصلاحات

وش تحتاج

  • Claude Code على جهازك: تطبيق Claude لسطح المكتب (تبويب Code) أو سطر الأوامر. بناء الفيلم جلسة طويلة بنموذج Opus، فننصح باشتراك Max.
  • حساب ElevenLabs بخطة Starter أو أعلى، للصوت والموسيقى والمؤثرات والترخيص التجاري: نحو 6 دولارات بالشهر وقت كتابة الدليل.
  • جهاز ويندوز أو ماك، ومساحة حرة 5 غيغابايت على الأقل.
  • رابط صفحة منتجك: كل كلمة وشاشة في الفيلم تنأخذ منها.
  • ما تحتاج برمجة ولا تصميم ولا مونتاج. الوكيل يثبّت الناقص (Node وPython وffmpeg) بعد ما يعرض عليك الأوامر.

كيف تشتغل

ثلاث خطوات، والباقي على وكيلك

القاعدة اللي تفرق كل شي: الوكيل ما يحكم على شغله. الفيديو ما ينصلح بالبرومبت، ينصلح بالحلقة: وكيل يبني، ووكيل ثاني يراجع، ويرجع الشغل حتى يبلغ المعيار.

  1. ١

    حمّل الملف

    تحمّل remotion-promo-film.zip من الصفحة التالية، ولا تفك ضغطه. الوكيل يفكه ويركّبه بنفسه.

  2. ٢

    الصق البرومبت

    تفتح Claude Code في مجلد فاضي لفيلمك، وتلصق البرومبت الجاهز بعد ما تكتب اسم منتجك ورابط صفحته.

  3. ٣

    استلم فيلمك

    الوكيل يكتب دستور الأسلوب والسكربت، يولّد الصوت، يبني ويصيّر، ويمر على 3 إلى 6 جولات مراجعة مستقلة قبل ما يسلّمك. أول فيلم عادة بضع ساعات من شغل الوكيل.

أسئلة قبل التحميل

اللي يسألونه غالباً

هل تشتغل في محادثة claude.ai؟

لا. المهارة لـClaude Code وحده: تثبّت أدوات وتشغّل سكربتات وتصيّر الفيديو على جهازك. تقدر تستخدمها من تبويب Code في تطبيق Claude لسطح المكتب أو من سطر الأوامر.

كم تكلفني؟

المهارة نفسها مجانية. تحتاج اشتراكك في Claude، وخطة ElevenLabs Starter (نحو 6 دولارات بالشهر وقت كتابة الدليل). الفيلم الواحد استهلك نحو 6 آلاف رصيد من 30 ألف بالشهر، يعني تقريباً دولار، والوكيل يقدّر الكلفة ويعرضها عليك قبل أي توليد.

أقدر أستخدم صوتي؟

إي. تكتب في البرومبت إنك تبي صوتك المستنسخ في ElevenLabs وإنك توافق على استخدامه، أو تختار صوت عربي جاهز. المهارة ما تستخدم صوت أحد بدون موافقته.

ليش كود ومو فيديو مولّد؟

لأنك تتحكم في كل حرف. النص العربي في الفيلم نص حي يتحرك بالكود، فتعديل جملة بعد التسليم طلب واحد لوكيلك بدل ما تولّد الفيديو من جديد.

هل كل فيلم يطلع بنفس الدرجة؟

لا، ولا نعدك بذلك. المعيار مكتوب داخل المهارة، والمراجع المستقل يقول لك وين وصل فيلمك وش بقي. والأرقام فوق من اختبارين بأسلوبين حكم عليهم وكيل، مو لجنة بشر.

خذ المهارة وسوّ أول فيلم لمنتجك

مجلد فاضي، وبرومبت واحد، والباقي على وكيلك.

المهارة تفتح لك فوراً في الصفحة التالية، وتنضم لنشرة مُشَيِّد: أنظمة AI عملية تصلك كل أسبوع، وتقدر تلغي اشتراكك بضغطة.

بصراحة: ما نضمن إن كل فيلم يبلغ نفس الدرجة. اللي نضمنه إن المعيار مكتوب، وإن اللي يراجع فيلمك وكيل ما بناه.

الشرح الكامل للطريقة (دستور الأسلوب، الصوت، التوقيت، والمراجع المستقل) في دليل الموشن جرافيك داخل عضوية مُشَيِّد. شوف العضوية ←