مقعدان بالشهر: ١ من ٢ محجوز
فلوسك اللي عند الناس ترجع خلال ٣٠ يوم. ما رجعت؟ يرجع لك كل ريال دفعته.
نظام يشتغل باسمك وبكلماتك: يذكّر عملاءك قبل موعد الفاتورة، ويلحّ عليهم بعده بأدب، ويسكت لحظة ما يوصل السداد.
السعر التأسيسي لأول ٣ شركات
أنت توافق على النصوص مرة وحدة، وبعدها ما تلمس شي.
اللي أوعدك فيه رقم، مو نظام: نتفق قبل ما نبدأ كم ريال لازم يرجع خلال ٣٠ يوم. ما رجع؟ فلوسك ترجع لك كاملة.
تعرف كشف المتأخرات اللي تفتحه كل أسبوع؟
نفس الأسماء. أبو فهد اللي قال «الأسبوع الجاي إن شاء الله» من ثلاثة أسابيع. الشركة اللي محاسبها «مو موجود». والعميل الكبير اللي تستحي تلحّ عليه لأنه يعطيك شغل كل شهر.
تقول: اليوم أتصل عليهم كلهم. ويجيك عميل جديد، وموظف يبي إمضاء، ومورد يسأل عن حوالته. المغرب وما اتصلت على أحد.
ويوم ٢٥ تجي الرواتب. الفلوس موجودة، على الورق. في البنك ما فيه.
المشكلة مو في عملائك ولا فيك. أغلب اللي ما يدفعون نسوا، أو ضاعت الفاتورة، أو عندهم ضيقة فبدأوا باللي يلحّ عليهم. واللي يجيب الفلوس مو التذكير الواحد، الانتظام. وما فيه أحد عندك وظيفته الوحيدة إنه ما ينسى.
الحلول اللي جربتها
موظف تحصيل؟
٤-٥ آلاف بالشهر، ويستقيل بعد ستة أشهر ويأخذ معه كل اللي تعلمه.
تذكير برنامج المحاسبة؟
إيميل واحد يروح للسبام، وما أحد يتابع اللي بعده.
شركة تحصيل؟
تأخذ نسبة من فلوسك، وأسلوبها يخلي عميلك ما يرجع لك.
تخليها مثل ما هي؟
أغلى خيار.
كل ١٠ أيام تأخير على مبيعات ١٠٠ ألف بالشهر = ٣٣ ألف ريال محبوسة عند الناس بدل ما تكون عندك.
موظف تحصيل ما ينسى، وما يستحي، وما يستقيل
مو برنامج تشتريه وتنسى تفتحه. نظام أركّبه أنا على شركتك، أشغّله ٣٠ يوم، وأعطيك رقم كل أسبوع.
من الفاتورة إلى السداد
مثال توضيحي · بيانات افتراضية · واجهات محاكاة
مساء الخير أبو فهد، معك خالد من شركة نُور للصيانة. فاتورة ٤١٨ بمبلغ ٧٬٥٠٠ ر.س موعدها الأحد الجاي. حاب أتأكد إنها وصلتكم، وإذا تحتاجون نسخة أرسلها الحين.
بعد أسبوع من التأخر
أبو فهد، فاتورة ٤١٨ تأخرت أسبوع. أعرف إن الجدول ضاغط، بس نحتاج نقفلها هالأسبوع. إذا فيه شي واقف من طرفنا قل لي وأنا أحله اليوم.
يعرف مين يطلب
كل فاتورة تطلع من برنامجك توصله نسخة تلقائياً. ما تصدّر ولا ترسل شي.
يتكلم بصوتك
الرسائل بكلماتك ومن رقمك. عميلك يقرأ رسالة من شركتك، مو من نظام.
يعرف متى يلحّ ومتى يسكت
قبل الموعد، يومه، بعده بأسبوع، بعده بأسبوعين، كل مرة أجدّ شوي. ولحظة يوصل السداد يوقف. ولو رد عميلك «بحوّل الخميس» يفهمه ويستنى، ولو قال «فيه غلط بالفاتورة» يحوّلها لك ويسكت.
(هنا يشتغل AI: يفهم الردود ويكتب بأسلوبك، والأرقام والمبالغ كلها من برنامجك مباشرة، ما فيه شي يتألف.)
يعطيك الرقم
كل أحد رسالة: كم كان عند الناس، كم صار، مين دفع، ومين يحتاج اتصالك أنت.
كيف يشتغل
ترسل كشف المتأخرات.
من برنامجك، صورة أو ملف، على واتساب. بدون أسماء إذا تبي.
أرجّع لك الرقم خلال ٢٤ ساعة.
أقول لك بالضبط: هذي الفواتير، وهذا المبلغ اللي أضمن يرجع خلال ٣٠ يوم. وإذا شفت إن أرقامك ما تسمح، أقولها لك وما آخذ منك شي.
جلسة وحدة ساعة.
نربط برنامجك ونعتمد النصوص سوا. بعدها ما تلمس شي.
يوم ٣٠ تشوف الرقم.
وصلناه؟ تدفع الباقي. ما وصلناه؟ ترجع لك الـ٩٩٠.
احسبها بنفسك
كم تبيع بالآجل بالشهر؟ وكم يوم تنتظر فلوسك عادة؟
كل يوم تقصّره من الانتظار = فلوس ترجع من الورق للبنك، مرة وحدة، وتبقى راجعة ما دام النظام شغال.
تبيع ١٠٠ ألف بالشهر وتنتظر ٧٥ يوم؟ عندك ٢٥٠ ألف عند الناس. صارت ٥٠ يوم؟ صارت ١٦٥ ألف. الفرق ٨٥ ألف، في حسابك.
وشي ثاني: الفاتورة اللي تعدّي ٩٠ يوم بدون مطالبة منتظمة تخسر نص فرصتها إنها ترجع. اللي «بيدفع في النهاية» كثير منهم ما يدفع في النهاية.
مين تناسبه الخدمة
مناسب لك إذا:
- تبيع لشركات بالآجل
- متأخراتك فوق ١٠٠ ألف أو عندك ٥٠ فاتورة بالشهر
- تستخدم برنامج محاسبة (قيود، وافق، دفترة، Zoho، QuickBooks، Xero، أو أي برنامج يطلع منه كشف)
- تبي رقم ينزل، مو برنامج جديد تتعلمه.
مو مناسب إذا:
- أغلب عملائك جهات تدفع بدورتها هي مهما صار
- أغلب متأخراتك فيها خلاف على الفاتورة نفسها
- ما تقدر تسجّل السداد في برنامجك أول بأول.
الخدمة جديدة، فما راح تلقى شهادات. تلقى شي ثاني.
- أنا اللي أخسر إذا ما اشتغل.
- أقوى من أي كلام: فلوسي على المحك مو فلوسك.
- سجل نتائج علني.
- كل شركة تكمل الـ٣٠ يوم تنكتب نتيجتها هنا (نجحت أو فشلت) بموافقتها. الصفحة فاضية اليوم؛ أول سطر فيها بيكون أول شركة.
- طريقة الحساب مكتوبة ومنشورة.
- وش يدخل، وش ينحسب، ومتى ينلغى الاتفاق.
- مين أنا.
- يونس بغدادي، مؤسس مُشَيِّد: عضوية عملية لتطبيق AI في الشغل، بنيتها بنفسي وتشتغل قدامك على moshid.com. Moshid LLC مسجلة في أمريكا، وأكثر من ١٠ آلاف يتابعوني على X (يفتح في نافذة جديدة).
بياناتك تبقى في برنامجك وبنكك، والنظام يشتغل على حساباتك أنت. الدفع والاسترجاع عبر Stripe: يرجع لنفس البطاقة خلال ٥-١٠ أيام عمل.
السعر
٩٩٠ اليوم ٢٬٠٠٠ بعد ما تشوف الرقم
الإجمالي ٢٬٩٩٠ ر.س للثلاث شركات الأولى. بعدها ٤٬٩٩٠.
ليش أرخص للأوائل؟ لأني أشتري منك شي: تسمح لي أنشر نتيجتك (باسمك أو بدونه). نتيجتك هي إعلاني.
اللي تستلمه:
- تحليل متأخراتك وتحديد المبلغ المضمون
- سلّم رسائل كامل بكلماتك
- ربط النظام ببرنامجك والإرسال من حساباتك
- تشغيل ٣٠ يوم كامل
- تقرير كل أحد
- والنظام يبقى عندك بعد الانتهاء تشغّله أو توقفه.
مكافأتان للأوائل:
- قالب شروط دفع تحطه في فواتيرك الجاية عشان المتأخرات ما ترجع
- شهران عضوية مُشَيِّد (٣٩٨ ر.س).
مقعدان بالشهر فقط، لأني أتابع كل شركة بنفسي. ١ من ٢ محجوز.
ضمان بجملتين
نتفق قبل ما نبدأ على مبلغ محدد بالريال لازم يرجع لك خلال ٣٠ يوم. ما رجع؟ ترجع لك الـ٩٩٠ كاملة، والـ٢٬٠٠٠ ما تنطلب أصلاً، أو أكمل معك ٣٠ يوم زيادة مجاناً، القرار لك.
٩٩٠ اليوم
ترجع لك إذا ما اشتغل
الباقي ٢٬٠٠٠
ما ينطلب إلا بعد ما تشوف الرقم بعينك.
وقبل هذا كله: إذا شفت من كشفك إن الرقم ما يتحقق، أقولها لك وأرفض المشروع. ما أضمن شي أعرف إني ما أوصله.
الشرط الوحيد عليك: تسجّل السداد في برنامجك أول بأول مثل ما تسوي الحين، عشان النظام يعرف مين دفع فيوقف عنه، وما يزعج واحد سدّد أصلاً.
الأسئلة
برنامجي فيه تذكير أصلاً، وفيه برامج بـ١٥٠ ريال بالشهر.
صحيح، وجرّبها. إذا نزل رقم متأخراتك ما تحتاجني. اللي أشوفه عند الأغلب: التذكير موجود والرقم ما ينزل، لأن رسالة وحدة ما تكفي وما أحد يتابع اللي بعدها. أنا ما أبيعك تذكير، أضمن لك رقم.
ليش ما أخلي محاسبي يسويها؟
لو كان يقدر كان سواها. عنده إقرار وقيود ورواتب. التحصيل يحتاج واحد وظيفته الوحيدة إنه ما ينسى.
عملائي بيتضايقون؟
الرسائل بكلماتك ومن رقمك ونبرتها تتدرّج. الإحراج يجي من فاتورة تطلع فجأة بعد ٩٠ يوم، مو من تذكير في وقته.
بياناتي وأرقام عملائي؟
تبقى في برنامجك وبنكك. النظام يشتغل على حساباتك، وما أحتفظ بنسخة بعد الانتهاء.
وإذا ما وصلنا الرقم؟
ترجع لك الـ٩٩٠، وتنكتب النتيجة في السجل. أو أكمل معك ٣٠ يوم مجاناً. وفي الحالتين النظام يبقى عندك.
كم يأخذ التركيب؟
جلسة وحدة ساعة تقريباً. أول رسالة تطلع خلال ٥ أيام.
يوم ٢٥ الجاي، وش بتفتح؟
الطريق الثاني يبدأ برسالة واتساب فيها كشف متأخراتك.
- ٩٩٠ الآن ترجع لك إذا ما اشتغل
- ٢٬٠٠٠ بعد ما تشوف الرقم
- مقعدان بالشهر